बुधवार, 21 फेब्रुवारी 2024
  1. लाईफस्टाईल
  2. आरोग्य
  3. आरोग्य सल्ला
Written By
Last Modified: शनिवार, 7 जानेवारी 2023 (22:31 IST)

Health Tips Jaggery Tea Benefits : गुळाचा चहाचे आरोग्यदायी फायदे

पौष्टिक आहार आरोग्यासाठी जितका फायदेशीर आहे तितकाच काही गोष्टींचे सेवन हानिकारक देखील आहे. भारतात चहा मोठ्या प्रमाणात वापरला जातो. लोक आपल्या दिवसाची सुरुवात चहाने करतात. त्याचबरोबर हिवाळ्यात चहाचा वापर वाढतो. हिवाळ्यात लोक दिवसातून अनेक वेळा चहा पितात. मात्र, चहाचे अतिसेवन हानिकारक ठरू शकते. आरोग्य तज्ञ चहाचे जास्त सेवन टाळण्याचा सल्ला देतात. पण जर तुम्हाला चहा प्यायचाच असेल तर गुळाचा चहा हा आरोग्यासाठी चांगला पर्याय ठरू शकतो. गूळ आरोग्यासाठी फायदेशीर आहे. गुळामध्ये मुबलक प्रमाणात प्रोटीन, व्हिटॅमिन बी 12, कॅल्शियम, लोह यांसारखे पोषक घटक आढळतात. हे सर्व शरीर निरोगी ठेवण्यासाठी उपयुक्त आहेत. शरीराला उष्णता देण्यासाठी गुळाचा चहा फायदेशीर आहे. चला इतर फायदे जाणून घेऊ या.
 
पचन क्रिया मजबूत करते -
साखरेऐवजी गूळ घालून तयार केलेला चहा प्यायल्याने पचनक्रिया मजबूत होते. याच्या नियमित सेवनाने बद्धकोष्ठता, आम्लपित्त आणि अपचनाची समस्या दूर होते आणि पचनक्रिया सुधारते.
 
अॅनिमिया दूर करते -
ज्या लोकांना शरीरात अॅनिमियाची तक्रार असते त्यांनी गुळाचा चहा प्यावा. गुळाच्या चहामध्ये भरपूर प्रमाणात लोह असते. त्यामुळे लाल रक्तपेशी तयार होण्यास मदत होते आणि हिमोग्लोबिनची पातळी वाढते. अशक्तपणा दूर करण्यासाठी गुळाचा चहा नियमित सेवन केला जाऊ शकतो.
 
वजन कमी करण्यासाठी फायदेशीर  -
ज्या लोकांना सडपातळ दिसण्यासाठी वजन कमी करायचे आहे त्यांनी चहाच्या सेवनापासून दूर राहण्याचा सल्ला दिला जातो. चहामध्ये असलेल्या साखरेचे सेवन केल्याने शरीरातील चरबी वाढते. मात्र, वजन कमी करायचे असेल तर गुळाचा चहा फायदेशीर ठरू शकतो.
 
मायग्रेनपासून आराम देते- 
जर तुम्हाला मायग्रेनची तक्रार असेल आणि वारंवार डोकेदुखी होत असेल, तर गुळाचा चहा नियमित सेवन सुरू करा. गुळात आढळणारे पौष्टिक घटक मायग्रेनच्या समस्येपासून आराम देतात.

Edited by - Priya Dixit