शांत झोपेसाठी...

* झोपेची पद्धत ठरवा. ठरलेल्या वेळी पलंगावर जा. वेळेत झोपा. सकाळी लवकर उठा. झोपण्याची आणि उठण्याची वेळ निश्चित करा. 7 ते 8 तास झोप घ्या. 

* खोलीतीलं वातावरण झोपेसाठी योग्य असू द्या. झोपण्याआधी दिवे बंद करा. आजूबाजूला आवाज होत नाही ना याकडे लक्ष द्या. खोलीत शांतता असू द्या. 

* पलंगावर आपल्या आवडीची चादर अंथरा. फुलाफुलांचं नक्षीकाम असलेली किंवा तुमच्या आवडीच्या रंगाची चादर आणा. झोपल्यावर तुम्हाला आरामदायी वाटायला हवं. 

* झोपण्याआधी भीतीदायक चित्रपट किंवा दृश्य बघू नका. यामुळे झोपेत अडथळे येऊ शकतात. 

* सतत कार्यरत रहा. नियमित व्यायाम करा. व्यायामामुळे तुम्हाला शांत झोप लागते. झोपण्याच्या तीन ते चार तास आधी व्यायाम करता येईल. 

* झोपण्यापूर्वी आंघोळ केल्यानेही शांत झोप लागेल.