उच्च रक्तदाबामुळे हृदयविकाराचा झटका येऊ शकतो दुर्लक्षित करू नका

उच्च रक्तदाबाचा थेट संबंध हृदयविकाराच्या झटक्याशी आहे. दीर्घकाळ वाढलेल्या रक्तदाबामुळे धमन्यांचे नुकसान होते, ज्यामुळे त्यांमध्ये चरबी आणि कोलेस्ट्रॉल जमा होते. या स्थितीला एथेरोस्क्लेरोसिस म्हणतात. जेव्हा धमन्या अरुंद होतात, तेव्हा हृदयापर्यंत पुरेसा ऑक्सिजन आणि रक्त पोहोचू शकत नाही, ज्यामुळे अचानक हृदयविकाराचा झटका येण्याचा धोका वाढतो. 

लक्षणे 

छातीत दुखणे किंवा दाब जाणवणे, श्वास घेण्यास त्रास होणे, अचानक खूप थकवा येणे, चक्कर येणे, हृदयाचे ठोके वाढणे, डोकेदुखी आणि खूप घाम येणे या लक्षणांकडे त्वरित लक्ष देणे आवश्यक आहे. कधीकधी वेदना फक्त छातीपुरती मर्यादित न राहता जबडा, मान, खांदा, पाठ किंवा डाव्या हातापर्यंत पसरू शकते.

महिला आणि वृद्ध व्यक्तींमध्ये हृदयविकाराच्या झटक्याची लक्षणे वेगळी असू शकतात. छातीत तीव्र वेदना होण्याऐवजी, त्यांना अशक्तपणा, मळमळ, अपचन, अस्वस्थता किंवा श्वास घेण्यास त्रास होणे यांसारखी लक्षणे जाणवू शकतात. या लक्षणांकडे किरकोळ समजून दुर्लक्ष करणे धोकादायक ठरू शकते.

 एखाद्याला उच्च रक्तदाब असेल आणि त्याच बरोबर मधुमेह, लठ्ठपणा, धूम्रपान आरोग्याच्या इतर समस्या असल्यास तर हृदय विकाराचा धोका वाढू शकतो.  यासाठी नियमित रक्तदाब तपासणी, संतुलित आहार घेणे, मिठाचे मर्यादित सेवन करणे, दररोज व्यायाम करणे आणि तणावाचे व्यवस्थापन करणे आवश्यक आहे. 

जर तुम्हाला अचानक छातीत दाब, श्वास घेण्यास त्रास, तीव्र अशक्तपणा किंवा असामान्य अस्वस्थता जाणवत असेल, तर त्याकडे दुर्लक्ष करू नका आणि ताबडतोब डॉक्टरांशी संपर्क साधा.

अस्वीकरण: वेबदुनियावर औषध, आरोग्य टिप्स, योग, धर्म, ज्योतिष, इतिहास, पौराणिक कथा इत्यादी विषयांवर प्रकाशित/प्रसारित होणारे व्हिडिओ, लेख आणि बातम्या केवळ तुमच्या माहितीसाठी आहेत आणि विविध स्त्रोतांकडून घेतल्या आहेत. वेबदुनिया याच्या सत्यतेची पुष्टी करत नाही. आरोग्य किंवा ज्योतिषाशी संबंधित कोणताही प्रयोग करण्यापूर्वी नेहमीच तज्ञांचा सल्ला घ्या. ही सामग्री सार्वजनिक हितासाठी सादर केली गेली आहे आणि कोणत्याही वैज्ञानिक पुराव्यांद्वारे समर्थित नाही.

Edited By - Priya  Dixit