साठीचीच स्त्री आता सर्वात तरुण असते

डोळ्यातली लेन्स अन् तोंडातली कवळी सहज adjust करते

नातवंडांबरोबर लहान होते सुनेचीही मैत्रीण होते

संसारात राहूनही स्वतः ची स्पेस जपते.

गाणी गोष्टी मूव्ही नाटक हव्वे तेव्हा बघते

साठी बुद्धी नाठी म्हण सपशेल खोटी ठरते

बाहेर जाण्यासाठी आता परवानगी लागत नाही

लोक काय म्हणतील याची काळजी करत नाही

साडी आणि सासू आता discussion बाहेर असते

विमानाचे पंख लावून तिला जग फिरायचे असते

अंगभर दागिन्यांना केव्हाच सुट्टी देते

डायमंडचं मंगळसूत्र तेवढं दिमाखात मिरवते

जगायचच राहून गेलेलं ती आता जगत असते

साठीचीच स्त्री आता सर्वात तरुण असते. 

डॉ संगीता गोडबोले