निवृत्त मी झालो, पण निवांत ती झाली

निवृत्त मी झालो, निवांत ती झाली ।

आजचा नाष्टा ठरवायची 

आणि, करायची पाळी माझ्यावर आली

कांदा चिरताना आसवे गाळायची

वेळ आता माझ्यावर आली,

निवृत्त मी झालो, निवांत ती झाली ।

कुकरच्या शिट्यां मोजण्याची

आता मला सवय झाली

तव्यावरची गरम पोळीही

आताशा चटके देईना झाली

निवृत्त मी झालो, निवांत ती झाली ।

दुधाचा खाडा,पेपरचा खाडा

फोन बिल, लाईट बिल

हिशोब ठेवताना माझी

त्रेधातिरपीट झाली

निवृत्त मी झालो, निवांत ती झाली ।

घड्याळाच्या काट्याबरोबर

फिरण्यातून, ती मुक्त झाली

लवकर उठण्याची सवय 

आता, तीने सोडून दिली

निवृत्त मी झालो, निवांत ती झाली ।

माझ्यासाठी धावणारी ती

आता जरा थकू लागली

थकलेल्या तिच्या पावलांची

आता मला चाहूल लागली

निवृत्त मी झालो, निवांत ती झाली ।

-सोशल मीडिया