पावसाळ्यात मैद्याऐवजी बेसन वापरून घरीच हलवाई-स्टाईल कुरकुरीत जिलेबी बनवा, पाककृती अत्यंत सोपी

पाकासाठी :

साखर: १.५ कप

पाणी: १ कप

वेलची पूड: १/२ लहान चमचा

लिंबाचा रस: ४-५ थेंब (यामुळे साखर गोठत नाही)

केशर: ५-६ पाकळ्या (ऐच्छिक)

कृती:

साखरेचा पाक बनवणे

एका पातेल्यात साखर आणि पाणी एकत्र करून गॅसवर मध्यम आचेवर गरम करायला ठेवा.

पाण्याला उकळी आल्यानंतर त्यात केशर आणि वेलची पूड घाला.

पाक आपल्याला एक तारी पेक्षा किंचित कमी (चिकट पाक) करायचा आहे.

पाक तयार झाल्यावर गॅस बंद करा आणि त्यात लिंबाचा रस घाला, ज्यामुळे पाक थंड झाल्यावरही पातळ राहील.

जिलेबीचे पीठ तयार करणे

एका मोठ्या भांड्यात बेसन नीट चाळून घ्या, जेणेकरून त्यात गुठळ्या राहणार नाहीत.

आता त्यात दही आणि चिमूटभर खाण्याचा रंग घालून मिक्स करा.

थोडे थोडे पाणी घालत हे पीठ व्यवस्थित फेटून घ्या. पीठाची कन्सिस्टन्सी (दाटपणा) भज्यांच्या पिठापेक्षा थोडी पातळ असावी.

सर्वात शेवटी, जिलेबी तळायला घेण्यापूर्वी पिठात बेकिंग सोडा (किंवा इनो) घाला आणि हलक्या हाताने एकाच दिशेने मिक्स करा.

जिलेबी तळणे आणि पाकात टाकणे

एका सपाट तळाच्या कढईत (पॅनमध्ये) तूप किंवा तेल मध्यम गरम करा. (जिलेबीसाठी तूप किंवा तेल जास्त खोल नसावे, अर्धा ते पाऊण इंच पुरेसे आहे).

आता हे बेसनाचे पीठ जिलेबी मेकर, सॉसची बॉटल किंवा दुधाच्या रिकाम्या पिशवीत भरून त्याला छोटा कोपरा कापून घ्या.

गरम तेलात हाताने गोल-गोल फिरवत जिलेबीचा आकार द्या.

जिलेबी दोन्ही बाजूंनी छान हलकी सोनेरी आणि कुरकुरीत होईपर्यंत मध्यम आचेवर तळून घ्या.

तेल व्यवस्थित झटकून, गरम जिलेबी थेट कोमट साखरेच्या पाकात टाका.

जिलेबी पाकात केवळ १ ते २ मिनिटे राहू द्या, जेणेकरून ती पाक नीट शोषून घेईल. त्यानंतर ती प्लेटमध्ये काढून घ्या.

काही खास आणि महत्त्वाच्या टिप्स :

पिठाची कन्सिस्टन्सी: पीठ खूप पातळ झाले तर जिलेबी तेलात पसरून चपटी होईल आणि खूप घट्ट झाले तर जिलेबी पाडता येणार नाही आणि ती पाक शोषून घेणार नाही.

पाकाचे तापमान: जिलेबी पाकात टाकताना पाक कोमट असावा, खूप उकळता किंवा अगदी थंड नसावा.

आबंट दही: दह्यामुळे जिलेबीला छान हलकी आंबट चव आणि कुरकुरीतपणा येतो, जो हलवाईच्या जिलेबीमध्ये असतो.

गरमागरम, रसरशीत आणि कुरकुरीत बेसनाची जिलेबी तयार आहे! तुम्ही ती रबडीसोबत किंवा अशीच एन्जॉय करू शकता.