शिवजयंतीच्या निमित्ताने पारंपारिक महाराष्ट्रीयन पदार्थ नक्की करून पहा; जे महाराजांचे देखील प्रिय आहे

झुणका-भाकरी 

छत्रपती शिवाजी महाराजांच्या मावळ्यांचा हा मुख्य आहार होता. गडावर लढताना कमी वेळात आणि ताकद देणारा हा पदार्थ आजही तितकाच लोकप्रिय आहे.

बेसन, कांदा, लसूण, तिखट आणि बाजरी किंवा ज्वारीची भाकरी. सोबत ठेचा, कच्चा कांदा आणि थोडे लोणी असेल तर जेवणाची चव द्विगुणित होते.

वांग्याचे भरीत आणि भाकरी

गावरान पद्धतीने बनवलेले वांग्याचे भरीत आणि चुलीवरची भाकरी हे शिवकालीन जेवणाची आठवण करून देतात. भरीत बनवताना कांद्याची पात आणि शेंगदाण्याचा कूट वापरल्यास छान चव येते.

गुळवणी किंवा गोड शिरा

जर तुम्हाला झटपट काही गोड बनवायचे असेल, तर तुम्ही साजूक तुपातील रवा शिरा किंवा गुळाचे पाणी घालून बनवलेली गुळवणी करू शकता.

शिवजयंती विशेष थाळी कशी असावी?

तुम्ही 'शिवकालीन थाळी' तयार करू शकता ज्यामध्ये खालील पदार्थ असतील

१. बाजरीची भाकरी

२. पिठलं किंवा झुणका

३. लसणाची चटणी / ठेचा

४. कांदा आणि लिंबू

५. एखादी पालेभाजी

६. गोड म्हणून पुरणपोळी किंवा बासुंदी

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik