झटपट शेंगदाण्याची आमटी रेसिपी; टिफिनसाठी उत्तम

साहित्य-

शेंगदाणे (भाजलेले) -१ कप (साली काढलेले)

खोबरे (किसलेले) -१/४कप (ताजे किंवा सुके, वैकल्पिक)

हिरव्या मिरच्या - २-३  

लसूण - ४-५ पाकळ्या 

जिरे -१ चमचा

तेल / तूप -१-२ चमचे

हळद - १/२ चमचा

मीठ - चवीनुसार

गूळ -१-२ चमचे किंवा चिंचेचा कोळ -१ चमचा 

पाणी - २-२.५ कप

कोथिंबीर 

कृती-

सर्वात आधी मिक्सरमध्ये भाजलेले शेंगदाणे, खोबरे, हिरव्या मिरच्या आणि लसूण  घाला. थोडे पाणी घालून बारीक किंवा थोडे खरबरीत वाटून घ्या. आता कढईत तेल/तूप गरम करा. त्यात जिरे टाका, हळद घाला. तुम्हाला हवे असल्यास यात बारीक कापलेला कांदा आणि लसूणही घाला  त्यामुळे आणखी चव येते. वाटलेली शेंगदाण्याची पेस्ट घाला. चांगले परतून घ्या.नंतर २ कप गरम पाणी घाला. मीठ, गूळ किंवा चिंच घाला. तयार आमटीवर कोथिंबीर गार्निश करा. तर चला तयार आहे आपली झटपट शेंगदाण्याची आमटी रेसिपी, टिफीन मध्ये नक्कीच घेऊ जा. 

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik