आता 100 रुपयांमध्ये कोरोना चाचणी शक्य

यासंदर्भात माहिती देताना पतंजली फार्माचे डॉ. विनय सैनी यांनी सांगितले की, गेल्या 8-9 महिन्यांमध्ये संशोधन करून हे किट तयार केले आहे. ते कोव्हिड केंद्रांना पुरवण्यासाठी आवश्यक असलेला परवाना मिळवण्यासाठी अर्ज करण्यात आला आहे. हे किट तयार करताना मुंबईतील अनेकांचे स्वॅब घेण्यात आले.दरम्यान, या किटचा वापर ग्रामीण भागातील केंद्रांना उपयुक्‍त ठरू शकतो. ज्याठिकाणी प्रयोगशाळा नाहीत तेथे हे किट लाभदायक ठरणार आहे. सध्या पतंजली फार्मामार्फत कोरोनाच्या अँटिबॉडी टेस्टवर काम सुरू आहे. तसेच क्षयरोगाचे तत्काळ निदान करणार्‍या पद्धतीवरही काम सुरू असल्याचे डॉ. सैनी यांनी सांगितले.