मुंबईत 65 उद्यानाचे घनदाट जंगलामध्ये रूपांतर होणार

2018 मध्ये झालेल्या वृक्ष गणनेनुसार मुंबईत साधारणपणे 29 लाख 75 हजार 283 झाडे आहेत. यापैकी 15 लाख 63 हजार 701 एवढी झाडे खासगी आवारांमध्ये आहेत, तर 11 लाख 25 हजार 182 एवढी झाडे शासकीय परिसरांमध्ये आहेत. याव्यतिरिक्त 1 लाख 85 हजार 333 झाडे ही रस्त्यांच्या कडेला असून उर्वरित 1 लाख 1 हजार 67 एवढी झाडे विविध उद्यानांमध्ये आहेत.

मुंबईतील झाडांची संख्या वाढवण्यासाठी पालिकेने ‘मियावाकी’ वनीकरण पद्धतीचा अवलंब करण्याचा निर्णय घेतला आहे. आतापर्यंत अंधेरीमध्ये अशा प्रकारची योजना राबवण्यात आली आहे. येणार्‍या काळात शहर, पश्चिम उपनगर व पूर्व उपनगरातील 65 उद्यानांची ‘मियावाकी’ वनीकरण पद्धतीने झाडे लावण्यासाठी निवड करण्यात आली आहे. यासाठी 226 कोटी 77 लाख रुपयांची आर्थिक तरतूद करण्यात आली आहे.