मुंबईतील सर्व शाळांना मराठी नावाची सक्ती!

 मराठी भाषेचा प्रचार व प्रसार करण्याबाबत सूचना

बृहन्मुंबई महापालिका शिक्षण विभागाने शाळांचे नामफलक मराठीतून लावण्यासंदर्भात जारी केलेल्या परिपत्रकामध्ये यापूर्वी मुंबई महापालिका मान्यताप्राप्त शाळा मंजुरी क्रमांकासह सुयोग्य आकाराचा फलक दर्शनी भागात लावण्याबाबत सूचित करण्यात आले होते. या संदर्भात शासनाच्या निर्णयानुसार वेळोवेळी मराठी भाषेचा प्रचार व प्रसार करण्याबाबत सूचना देण्यात आलेल्या आहेत. त्या सूचनेनुसार शाळांमध्ये लावण्यात आलेले फलक हे मराठी देवनागरी लिपित असणे आवश्यक आहे. त्यामुळे शाळा व्यवस्थापन तथा मुख्याध्यापक यांनी यासंदर्भात कार्यवाही करावी असे त्यांनी म्हटले आहे.