Assembly Election Result 2022 Live updates:आपले आमदार नीट सांभाळून ठेवावे लागतील - भूपेश बघेल

निवडणूक आयोगाने एक निवेदन जारी केले की – सर्व प्रथम पोस्टल मतपत्रिकांची मोजणी केली जाईल.

मतमोजणी ठिकाणांभोवती शांतता निर्माण करण्यासाठी प्रतिबंधात्मक आदेश लागू करण्यात आले आहेत.

हिमाचल प्रदेशात 59 ठिकाणी 68 केंद्रे स्थापन करण्यात आली आहेत.

निवडणूक आयोगाने दिलेल्या माहितीनुसार, गुजरातमधील 182 विधानसभा जागांसाठी 37 मतमोजणी केंद्रे स्थापन करण्यात आली आहेत.

गुजरात विधानसभेच्या 182 जागांसाठी मतमोजणी होणार आहे.

गुजरातमध्ये सध्या भाजपचे सरकार आहे. गेल्या निवडणुकीत भाजपने 99 जागा जिंकल्या होत्या, तर काँग्रेस 77 जागांसह दुसऱ्या क्रमांकावर होती.

यावेळी आपच्या उपस्थितीमुळे स्पर्धा त्रिकोणी झाली आहे.

एक्झिट पोलमध्ये भाजपची स्थिती मजबूत असल्याचे सांगण्यात येत आहे.

हिमाचल प्रदेशातील 68 सदस्यीय विधानसभेसाठी मतमोजणी होणार आहे.

हिमाचल प्रदेशात सध्या भाजपचे सरकार आहे.

एक्झिट पोलमध्ये चुरशीची लढत असल्याचे सांगण्यात येत आहे.

येथे दोन्ही प्रमुख पक्षांना आपापल्या विजयाची खात्री आहे.

गुजरातमध्ये भाजप ऐतिहासिक विजयाच्या दिशेने

गुजरातमध्ये भाजपाला 157 जागांवर आघाडी

काँग्रेस 16 तर बहुचर्चित आम आदमी पक्ष 7 जागांवर आघाडीवर आहे. 

इतर पक्षांना आणि अपक्षांना 2 जागांवर आघाडी मिळाली आहे.

घाटलोडिया या शहरी मतदारसंघातून गुजरातचे मुख्यमंत्री भूपेंद्र पटेल सलग दुसऱ्यांदा विजयाकडे वाटचाल करताना दिसत आहेत. मतमोजणीच्या पाच फेऱ्यांनंतर त्यांनी येथील त्यांच्या जवळच्या प्रतिस्पर्ध्यावर सुमारे 20,000 मतांची आघाडी कायम ठेवली होती. पटेल यांना 23,713 मते मिळाली तर त्यांच्या जवळच्या काँग्रेस प्रतिस्पर्धी अमीबेन याज्ञिक यांना 3,840 मते मिळाली. या जागेवर आम आदमी पक्षाचे उमेदवार विजय पटेल सध्या 2,168 मतांसह तिसऱ्या क्रमांकावर आहेत.

गुजरातमध्ये आप 7 जागांवर आघाडीवर

आम आदमी पार्टीचे मुख्यमंत्रिपदाचे उमेदवार इसुदान गढवी खंभलिया विधानसभा मतदारसंघातून आघाडीवर आहेत. सोमनाथ, व्यारा, जामनगर (उत्तर) आणि इतर काही जागांवर आप आघाडीवर आहे.

आपल्याला आपले आमदार नीट सांभाळून ठेवावे लागतील, कारण सत्ता मिळवण्यासाठी भाजप कोणत्याही थराला जाऊ शकतो, अशी टीका छत्तीसगढचे मुख्यमंत्री भूपेश बघेल यांनी केली आहे.

हिमाचल प्रदेशात काँग्रेस पक्ष आघाडीवर आहे. याविषयी मुख्यमंत्री बघेल यांनी प्रतिक्रिया दिली. बघेल हे हिमाचल प्रदेशचे काँग्रेसचे निरीक्षकसुद्धा आहेत.

ANI वृत्तसंस्थेशी बोलताना ते म्हणाले, "काँग्रेसचं सरकार स्थापन होईल, ही आशा आम्हाला पूर्वीपासूनच होती."

गुजरातच्या जनतेचा मोदींवर पूर्ण विश्वास – राजनाथ सिंह

गुजरातच्या जनतेचा पंतप्रधान नरेंद्र मोदींवर पूर्ण विश्वास आहे, असं वक्तव्य संरक्षण मंत्री राजनाथ सिंह यांनी केलं आहे.

गुजरात विधानसभा निवडणुकीचे निकाल जाहीर केले जात आहेत. सकाळपासूनच कलांमध्ये भाजपने आघाडी घेतली. आता भाजप ऐतिहासिक विजयाकडे वाटचाल करत आहे.

दुसरीकडे, काँग्रेसला आतापर्यंत केवळ 20 चा आकडा गाठता आला आहे.

संरक्षण मंत्री राजनाथ सिंह याविषयी बोलताना म्हणाले, “गुजरातचा पंतप्रधान मोदींवर पूर्ण विश्वास आहे. गुजरातमध्ये सरकारच्या बाजूने लाट होती. आम्ही गुजरातमध्ये नवा विक्रम प्रस्थापित करणार आहोत. कारण लोकांचा अजूनही पंतप्रधान मोदींवर पूर्ण विश्वास आहे.”