गर्भवती पत्नीला भेटण्यासाठी रजा मिळाली नाही, कमांडोने स्वत:वर गोळी झाडली

मिळालेल्या माहितीनुसार वायनाडचा रहिवासी असलेला कमांडो विनीत गेल्या 45दिवसांपासून सतत ड्युटीवर होता. गरोदर पत्नीसोबत वेळ घालवण्यासाठी त्याने रजा मागितल्याचे सांगण्यात येत आहे. पण, अधिकारींनी रजा न दिल्याने त्याच्यावर मानसिक दबाव होता. विनीतच्या आत्महत्येमुळे केरळ पोलिसांमधला वाढता ताण आणि आत्महत्येच्या घटनांवर पुन्हा एकदा प्रश्नचिन्ह निर्माण झाले आहे. मिळालेल्या माहितीनुसार कामाचा ताण आणि तणावामुळे आतापर्यंत सुमारे 90 पोलिसांनी आपला जीव घेतला आहे. स्पेशल ऑपरेशन ग्रुपशी संबंधित विनीत बराच काळ माओवाद्यांविरुद्धच्या ऑपरेशनचा भाग होता. कोणताही ब्रेक न लावता सतत ड्युटी केल्याने त्याचा ताण आणखी वाढला. अखेर त्यांनी कॅम्पमध्ये सर्व्हिस रायफलने आत्महत्या केली. घटनेनंतर त्याला तातडीने रुग्णालयात नेण्यात आले, पण त्यांना तिथे मृत घोषित करण्यात आले. 

Edited By- Dhanashri Naik