केरळमध्ये भीषण अपघात; भरधाव वेगाने जाणाऱ्या कारची लॉरीला धडक, ८ अभियांत्रिकी विद्यार्थ्यांचा मृत्यू

हा अपघात मध्यरात्रीच्या सुमारास पनंबिक्कुन्नू केंद्राजवळ घडला. बचाव आणि मदतकार्य तात्काळ सुरू झाले. प्रसारमाध्यमांच्या वृत्तानुसार, कारमधील प्रवासी तामिळनाडूच्या दिंडीगुल येथील एका अभियांत्रिकी महाविद्यालयाचे विद्यार्थी होते. घटनास्थळावरून दिंडीगुल येथील पीएसएनए अभियांत्रिकी महाविद्यालयातील एका विद्यार्थ्याचे ओळखपत्र सापडले आहे.

मिळालेल्या माहितीनुसार, विद्यार्थ्यांना घेऊन जाणारी कार गुरुवायूरहून कोडुंगल्लूरकडे जात असताना, रस्त्याच्या बांधकामामुळे त्याच दिशेने उभ्या असलेल्या लॉरीला धडकली. कारचे मोठे नुकसान झाले होते आणि प्रवाशांना बाहेर काढण्यासाठी ती कापून उघडावी लागली.

Edited By- Dhanashri Naik