सुरतच्या मार्केटमध्ये भीषण आग

सुरत हे देशातील प्रसिद्ध व्यापारी शहर आहे. याठिकाणी कपड्यांचा मोठ्या प्रमाणावर व्यापार चालतो. अशाच तयार कपड्यांची दुकाने असलेल्या रघुवीर मार्केटमधील एका दहा मजली इमारतीला आज भीषण आग लागली. यामध्ये अनेक कपड्यांची दुकाने जळून खाक झाली आहेत. त्यामुळे मोठ्या प्रमाणावर आर्थिक नुकसान झाल्याचे कळते. आगीची माहिती मिळताच अग्निशमन दलाच्या गाड्या घटनास्थळी दाखल झाल्या आणि युद्धपातळीवर आग विझवण्याचे काम सुरु करण्यात आले.