इमारतीला भीषण आग लागून 3 जणांचा मृत्यू

राजधानी दिल्लीतील तुघलकाबाद परिसरात शुक्रवारी पहाटे एका इमारतीला लागलेल्या भीषण आगीत तीन जणांचा मृत्यू झाला आहे. अधिकाऱ्यांच्या माहितीनुसार, दिल्ली अग्निशमन दलाच्या (डीएफएस) जवानांनी आतापर्यंत सहा जणांना वाचवले असून, केंद्रीकृत अपघात आणि आघात सेवा (कॅट्स) च्या मदतीने त्यांना जवळच्या रुग्णालयात दाखल करण्यात आले आहे.

अग्निशमन विभागाच्या माहितीनुसार, यापूर्वी किमान आठ जखमींना बाहेर काढून उपचारासाठी एम्स ट्रॉमा सेंटरमध्ये पाठवण्यात आले होते. इमारतीला एक तळमजला आणि पाच वरचे मजले असून ती एका अरुंद गल्लीत आहे, ज्यामुळे बचाव आणि आग विझवण्याच्या कामात अडचणी येत आहे. अग्निशमन दलाच्या माहितीनुसार, पहाटे २:३५ ते २:३७ च्या दरम्यान इमारतीला आग लागल्याने आणि लोक आत अडकल्याबाबत अनेक आपत्कालीन कॉल आले. घरात पार्क केलेल्या वाहनांमधील आग आटोक्यात आणण्यात आली.

Edited By- Dhanashri Naik