तीन तलाक विधेयकाला हिवाळी अधिवेशनाचा मुहूर्त

राफेल सौद्याच्या चौकशीवरून गदारोळ झाल्याने दुपारी अडीच वाजेपर्यंत कामकाज तहकूब झाले. यानंतर हे विधेयक मंजूर करण्यासाठी अधिवेशनाचे कामकाज एका दिवसाने वाढवण्याची चर्चा होती. मात्र कामकाज सुरू झाल्यानंतर सभापती व्यंकय्या नायडूंनी तीन तलाक विधेयक मंजूर करण्याबाबत सर्व पक्षांची सहमती नसल्याने ते हिवाळी अधिवेशनात मंजुरीसाठी मांडले जाईल, अशी घोषणा केली.