स्पाईसजेटच्या फ्लाइटमध्ये महिला क्रू मेम्बरचा विनयभंग, एकाला अटक

अबसार आलम असे आरोपी प्रवाशाचे नाव असून तो जामिया नगर, दिल्लीचा रहिवासी आहे. आरोपी आपल्या कुटुंबासह दिल्लीहून हैदराबादला जात होता. त्याचवेळी प्रवाशाने फ्लाइटच्या एअर होस्टेससोबत गैरवर्तन केल्याचा आरोप केला आहे. पोलिसांनी सांगितले की, विमान उड्डाणाच्या तयारीत असताना आरोपीने एअर होस्टेससोबत गैरवर्तन केले. त्यानंतर त्याला आणि त्याच्या एका साथीदाराला विमानातून उतरवण्यात आले. 

इंदिरा गांधी विमानतळ पोलीस ठाण्यात आरोपीविरुद्ध गुन्हा दाखल करण्यात आला आहे. 

गेल्या महिन्यातच एअर इंडियाच्या फ्लाइटमध्ये सहप्रवाशाने एका वृद्ध महिला प्रवाशाला लघवी केल्याचे प्रकरण समोर आले होते. या घटनेने देशभरात चर्चेचा विषय ठरला. शंकर मिश्रा असे आरोपीचे नाव असून त्याने मद्यधुंद अवस्थेत महिलेवर लघवी केली. याप्रकरणी महिलेने ४ जानेवारीला तक्रार दाखल केली आणि पोलिसांनी ७ जानेवारीला आरोपीला अटक केली. याप्रकरणी एअर इंडियाने आरोपी शंकर मिश्रावर ६ महिन्यांची बंदी घातली असून विमानाच्या पायलटचा परवानाही निलंबित केला आहे. याप्रकरणी कारवाई करत डीजीसीएने एअर इंडियाला दंडही ठोठावला आहे. 

Edited By- Priya Dixit