गुगल मॅपवरुन रस्ता शोधणं तरुणीच्या जीवावर

हा अपघात मुंबई-बंगळुरू बाह्यवळण मार्ग परिसरात घडला असून रिदा इम्तियाज मुकादम असे मृत्युमुखी पडलेल्या तरुणीचे नाव आहे. अपघातात दुचाकीस्वार नटराज अनिलकुमार जखमी झाला आहे. 

23 वर्षीय रिदा आणि 30 वर्षीय नटराज हे खराडी भागातील एका आयटी कंपनीत इंजीनियर म्हणून कार्यरत आहेत. ते दोघे सिंहगडावर फिरण्यासाठी गेले असताना वानवडीला जायचे असल्याने ते गुगल मॅपवर रस्ता शोधत होते अशात ते मुंबई-बंगळुरू बाह्यवळण मार्गावर आले. नंतर त्यांना रस्ता चुकल्याचे लक्षात आले. तेव्हा नवीन कात्रज बोगद्याजवळून वळण घेताना भरधाव वेगात येत असलेल्या ट्रकची धडक बसल्याने हा अपघात झाला. यात तरुणीचा जागीच मृत्यू झाला. पोलिसांनी अज्ञात ट्रक चालकावर गुन्हा दाखल केला आहे.