इंदापूर शेतकरी आंदोलन: पाणी प्रश्नावरून इंदापूरचे शेतकरी आक्रमक; १० मे पासून कार्यकारी अभियंता कार्यालयासमोर आमरण उपोषणाला सुरुवात करणार

मिळालेल्या माहितीनुसार इंदापूर तालुका (पुणे जिल्हा) मधील शेतकऱ्यांनी खडकवासला उजव्या कालव्याच्या पाणी वितरणावरून तीव्र आंदोलन सुरू केले आहे.  खरीप हंगामासाठी २१ दिवसांचे आवर्तन मिळाले, पण रब्बी आणि उन्हाळी हंगामासाठी फक्त १५ दिवसांचे पाणी मिळाले. दुसरे उन्हाळी आवर्तन वेळेवर न मिळाल्याने पिके करपत आहे. इंदापूरमध्ये पाणी सोडले की लगेच मोटारी/पंप बंद केले जातात, पाईप फोडले जातात आणि पाणी दौंड, बारामती, होळ सारख्या वरच्या/शेजारील भागात वळवले जाते, असा शेतकऱ्यांचा आरोप आहे.

तसेच शेतकरी १० मे २०२६ (आज) पासून कार्यकारी अभियंता (पुणे) कार्यालयासमोर आमरण उपोषण करणार असून मागण्या मान्य न झाल्यास ११ मे रोजी आत्मदहन करण्याचा इशारा देण्यात आला आहे याआधी सिनारमास येथे रास्ता रोको आंदोलनही करण्यात येणार आहे.

शेतकऱ्यांच्या मुख्य मागण्या

उन्हाळी आवर्तन किमान २० दिवस करावे.

इंदापूरचे आवर्तन सुरू असताना दौंड-बारामती भागातील अनधिकृत उपसा तात्काळ थांबवावा.

पाणी वितरणात भेदभाव थांबवावा.

ही समस्या नवीन नाही खडकवासला कालव्याच्या टेल-एंड भागात (इंदापूर) पाणी कमी मिळणे हा दीर्घकाळचा प्रश्न आहे. इंदापूर हे कृषिमंत्री दत्तात्रेय भरणे यांचे मतदारसंघ आहे, त्यामुळे शेतकऱ्यांचा रोष अधिक तीव्र आहे. शेतकरी आक्रमक झाले आहे आणि पाण्यासाठी बलिदान देण्याची तयारी दर्शवत आहे. प्रशासनाने त्वरित लक्ष घातले तर आंदोलन मर्यादित राहू शकेल, नाहीतर परिस्थिती बिघडू शकते. अशी माहिती समोर आली आहे. 

Edited by-Dhanashri Naik