पुणे अनलॉक; मॉल्सबरोबर दुकानं ७ वाजेपर्यंत, रेस्तराँ आणि हॉटेल्स रात्री १० पर्यंत सुरू ठेवण्याचा निर्णय

पुण्यात उपमुख्यमंत्री अजित पवार यांनी अधिकाऱ्यांसोबत आढावा बैठक घेऊन यात निर्बध शिथिल करण्यासंदर्भात चर्चा करण्यात आली. बैठकीनंतर अजित पवार यांनी नियमांची माहिती दिली. सोमवारपासून या नियमावलीचं पालन करून मॉल्स सुरू करण्यास तसेच दुकानंही ४ वाजेऐवजी ७ सुरू ठेवण्यास परवानगी देण्यात आली आहे. तसेच रेस्तराँ आणि हॉटेल्स रात्री दहा वाजेपर्यंत सुरू करण्यास परवानगी देण्याचा निर्णय घेण्यात आला आहे.

हे नियम सोमवारपासून लागू होणार असले तरी यापूर्वी राज्य सरकारने ठरवून दिलेल्या निकषाचाही विचार केला जाणार आहे. त्याबद्दल स्पष्ट करत अजित पवारांनी म्हटले की पॉझिटिव्हीटी रेट पाच टक्क्यांच्या आत असेल, तर हे लागू केलं जाईल, अन्यथा निर्णय बदलावा लागेल. त्यांनी पुणेकरांना आवाहन केले  की, त्यांनी नियमांचं पालन करावं.