गोंदिया-बालाघाट रस्त्यावर भीषण अपघात; ट्रक-पिकअप धडकेत तिघांचा मृत्यू, ११ जण जखमी

मिळालेल्या माहितीनुसार, सर्व मृत व्यक्ती मध्य प्रदेशातील बालाघाट जिल्ह्यातील रहिवासी होते. ते कामासाठी हैदराबादला जाणारे मजूर होते. हा अपघात नागरा परिसरात सोमवार आणि मंगळवारच्या मध्यरात्रीच्या दरम्यान घडला. अपघाताची माहिती मिळताच, स्थानिक रहिवासी आणि ग्रामीण पोलीस घटनास्थळी दाखल झाले आणि त्यांनी बचावकार्य सुरू केले. वाहनात अडकलेल्या जखमींना तात्काळ बाहेर काढून गोंदिया येथील शासकीय रुग्णालयात दाखल करण्यात आले असून, त्यांच्यावर उपचार सुरू आहे. पोलिसांनी गुन्हा दाखल करून पुढील तपास सुरू केला आहे.

Edited By- Dhanashri Naik