पती कोमात असल्यास पत्नी बँक खाते चालवू शकते

पतीवर वैद्यकीय उपचार करण्यासाठी पैशाची आवश्यकता असल्याने, नवी मुंबईतील एका महिलेने कोमात असलेल्या पतीची ‘पालक’ म्हणून आपली नियुक्ती करून, त्याचे बँक खाते चालविण्याची परवानगी मिळावी, यासाठी उच्च न्यायालयात याचिका दाखल केली. कोमात असलेल्या रुग्णांच्या अधिकारांबाबत कायद्यात कोणतीही तरतूद नसल्याचे तिने याचिकेत म्हटले आहे. न्या. एस. एम. केमकर व न्या. जी. एस. कुलकर्णी यांच्या खंडपीठापुढे या याचिकेवर सुनावणी होती.