परंतु आम्ही अपक्ष उमेदवाराला पाठिंबा देणार नाही : संजय राऊत

मुख्यमंत्री उद्धव ठाकरेंच्या निमंत्रणाकडे संभाजीराजेंनी पाठ फिरवली आहे. संभाजीराजेंच्या उमेदवारीबाबत शिवसेना खासदार संजय राऊत यांना प्रश्न विचारण्यात आला होता. यावेळी राऊत म्हणाले की, शिवसेना दोन जागा लढवणार आहे. दोन जागा लढवणं हा राजकीय अपराध नाही. शिवसेना राजकीय पक्ष आहे. मराठी माणुस आणि हिंदुत्वाचे फार मोठी संघटना आहे. शिवसेना राजकारणात अनेक वर्ष आहे. महाराष्ट्रात शिवसेनेचा मुख्यमंत्री आहे. अशा वेळेला जेव्हा राज्यसभेच्या निवडणुका ६ जागांसाठी होत आहेत. त्यातील २ जागा शिवसेना लढत आहे. दोन्ही ठिकाणी शिवसेनेचे उमेदवार आम्ही देऊ आणि निवडून आणू अशी शिवसनेची भूमिका असल्याचे राऊतांनी सांगितले आहे.

==============