दापोलीत आंबाबागेतील वणव्यात कोट्यवधींचे नुकसान दुसऱ्या दिवशीही धुमसतोय वणवा; पंचनाम्याची प्रतीक्षा

गुरूवारी आडे-पाडले येथे वणवा लागल्याचे निदर्शनास येताच खेड येथील पाण्याच्या बंब मागविण्यात आला. आग आटोक्यात आणण्यात यश आले तरी आग पूर्णत: विझलेली नसून पुन्हा रौद्र रूप धारण करण्याची भिती ग्रामस्थांमधून व्यक्त होत आहे. त्यामुळे वणव्यापासून लांबच्या ग्रामस्थांमध्येही भीतीचे वातावरण पसरले आहे.

गेल्या 2 महिन्यांपासून दापोली तालुक्यात वणव्याचे प्रकारे वाढत आहेत. वणवा नैसर्गिक आपत्ती मानली जात नसल्याने नुकसान भरपाईदेखील मिळत नसल्याने नुकसानग्रस्त शेतकरी आर्थिक संकटात फसत आहेत. आडे-पाडले येथील वणव्यात कोटींचे नुकसान झाले आहे. त्यामुळे आंबा, काजूवर वर्षभरे आर्थिक गणित मांडणारे येथील शेतकरी संकटात सापडले आहेत.
Edited by : Ratnadeep Ranshoor