सतत अपमान करणाऱ्या मुलाचा बापाने असा काढला काटा

तालुक्यातील रामखेडा येथे स्वत:च्या घरात एकटा झोपलेल्या संतोष कुरधनेचा धारदार शस्त्राने वार करुन खून केल्याची घटना उघडकीस आली होती. कुरधने कुटुंब गेल्या १० वर्षांपासून रामखेडा येथे मजुरीसाठी स्थायिक झाले आहे. आई-वडील शेजारील कुटुंब बाहेरगावी गेल्यामुळे त्यांच्याकडे झोपण्यासाठी गेले होते. त्याच वेळी स्वत:च्या घरात एकटाच झोपलेल्या संतोषचा डोक्यात वार करून खून करण्यात आला होता. उपविभागीय पोलिस अधिकारी सुधीर खिरडकर व त्यांच्या सहकाऱ्यांनी याबाबत तपास केला असता संतोषचे वडील हनुमान कुरधने याच्या जबाबात तफावत आढळून आली. त्यातून पोलिसांना शंका आली आणि पोलिसांनी सर्व पद्धतीने पुरावे आणि तपास करत त्या बापाला पकडले आहे.