माजी आमदार डॉ. सुनील देशमुख काँग्रेसमध्ये परतणार

“राजकीय जन्मच काँग्रेसमध्ये झाल्यामुळे परतीचे वेध लागले होते. त्यामुळे पुढील राजकीय भवितव्याचा विचार करता स्वगृही परत जाण्याचा निर्णय घेतला,” असं डॉ. सुनील देशमुख यांनी सांगितलं आहे. “काँग्रेस सोडून जाण्याची तेव्हाही इच्छा नव्हती. पण त्यावेळी राजकीय परिस्थितीने तशी कलाटणी घेतल्यामुळे तसा निर्णय घ्यावा लागला. भाजपामध्ये सन्मानाची वागणूक मिळाली. मनामध्ये कुठलीही कटुता नाही,” असंही त्यांनी सांगितलं.

आता काँग्रेसमध्ये प्रवेश केल्यानंतर पुढे काय, असा प्रश्न विचारला असता, “सध्या काहीच ठरविलेले नाही. भविष्यात काय संधी मिळते, ते बघू आणि पक्षश्रेष्ठींचा जो आदेश असेल त्याप्रमाणे कार्य करू,” असं त्यांनी सांगितलं.