ट्रक अपघातात चौघांचा मृत्यू

चंद्रपूर -मूल मार्गावर अजयपूर गावाजवळ पेट्रोल वाहतूक करणारा टँकर आणि लाकूड नेणाऱ्या ट्रकची समोरासमोर जोरदार धडक झाल्याने भीषण आग लागली. ट्रकचे तयार फुटल्याने आग भडकली आणि त्यात होरपळून चौघांचा मृत्यू झाला. 

या अपघातानंतर संपूर्ण रस्त्यावर आग पसरून वाहतूक कोंडी झाली होती. अग्निशमन पथके आग विझविण्यासाठी मूल- चंद्रपूर येथून घटनास्थळी दाखल झाल्या. त्यानंतर आगीवर नियंत्रण मिळवण्यात त्यांना यश आले. मूल -रामनगर पोलिसांची पथके घटनास्थळी दाखल झाले. या अपघातात ट्रक मधील चौघांचा मृत्यू झाला आहे. मृतदेहांची ओळख अद्याप पटलेली नाही. या प्रकरणी पोलीस अधिक तपास करत आहे.