मेन होलमध्ये कुतुहलमधून वाकून पहायला गेला अन् पडला 15 फुट खोल गटारात

विजय बेलभादुर (वय ३९, रा. शनीनगर, आंबेगाव बुद्रुक) असे त्याचे नाव आहे. विजय हा मोलमजुरी करतो. तो मजूरीसाठी जात असताना खाली काय आहे, हे पहात असताना त्याचा पाय घसरला व तो थेट गटारात कोसळला. तेथून जात असलेल्या कुमार कांबळे यांनी त्याचा आवाज ऐकला. तेव्हा विजय खाली कोसळला असल्याचे लक्षात आले. त्यांनी अग्निशमन दलाला कळविले. अग्निशमन दल, पोलीस तातडीने तेथे पोहचले. अग्निशमन दलाच्या जवानांनी दोरीच्या सहाय्याने फासागाठ करुन काही मिनिटात बाहेर काढले. सिंहगड अग्निशमन केंद्राचे तांडेल पांडुरंग तांबे, जवान सतीश डाकवे, संजू चव्हाण, संदीप पवार, संतोष चौरे यांनी ही कामगिरी केली.