Increase in dengue patients डेंग्यूच्या रुग्णात वाढ

यावर्षी एप्रिल, मे आणि जून महिन्यात शहरात डेंग्यूचा एकही रुग्ण आढळला नाही. मे आणि जून महिन्यात शहरात पाऊस झाला नाही. त्यामुळे या दोन महिन्यांत एकाही रुग्णाची नोंद झाली नाही. मात्र, जुलै महिन्यात पावसाला सुरुवात झाल्यानंतर शहरात डेंग्यूने थैमान घातलं आहे. जुलैमध्ये एकूण 225 संशयित आणि 18 बाधित रुग्ण आढळले. ऑगस्ट महिन्यात 16 क्षेत्रीय कार्यालयांमध्ये एकूण 512 संशयित आणि 47 बाधित रुग्णांचे निदान झाले आहे. गेल्या आठ महिन्यांत डेंग्यूचे निश्चित निदान झालेल्या 96 रुग्णांची महापालिकेत नोंद झाली आहे.