Admission 2023 विद्यार्थी आणि पालकांसाठी महत्त्वाची बातमी, अकरावी ऑनलाईन प्रवेश प्रक्रिया सुरु

मुंबई महानगर प्रदेश, पुणे-पिंपरी चिंचवड, नाशिक, नागपूर आणि अमरावती महानगरपालिका क्षेत्रातील कनिष्ठ महाविद्यालयांसाठी केंद्रीकृत ऑनलाईन प्रवेश प्रक्रियेचे वेळापत्रक जाहीर करण्यात आले आहे. दहावीचा निकाल जाहीर झाल्यानंतर प्रवेशाची पहिली फेरी होणार असून ऑगस्टअखेर संपूर्ण प्रवेश प्रक्रिया पूर्ण करण्यात येणार आहे.

राज्य मंडळाच्या दहावीचा निकाल लवकरच लागणार असून ही पुढील प्रवेश प्रक्रिया सुरु करण्यात आली आहे. 10वीचा निकाल जाहीर झाल्यानंतर अल्पसंख्याक, व्यवस्थापन आणि संस्थांतर्गत राखीव जागांसाठी प्रवेश प्रक्रिया सुरु होईल, अशी शिक्षण संचालकांनी स्पष्ट केले आहे.

11 वी प्रवेश प्रक्रियेला 25 मे पासून सुरुवात होणार असून अर्ज भरण्यासाठी https://11thadmission.org.in या संकेतस्थळाला भेट द्यावी लागेल.