दिवाळीच्या मुहूर्तावर शेतकरी कर्जमाफीच्या घोषणेच्या अंमलबजावणीची सुरवात मुख्यमंत्र्यांच्या हस्ते करण्यात आली. सह्याद्री अतिथीगृहात झालेल्या एका कार्यक्रमात लाभार्थी शेतकऱ्यांची पहिली यादी जाहीर करण्यात आली. यावेळी कर्जमाफी योजनेच्या पहिल्या टप्प्याचा फायदा झालेल्या शेतक-यांपैकी काही शेतकरी उपस्थित होते. मुख्यमंत्र्यांच्या हस्ते त्यांना कर्जामाफीची प्रमाणपत्र देण्यात आली.