बिबट्यावर दगडफेक

तहानलेला सदरचा बिबट्या नाशिक तालुक्यातील गिरणारे गावापासून पुढे असलेल्या लाडची गावाच्या शिवारातील एका लहानशा तलावावर पाणी पिण्यासाठी आला होता. हा बिबट्या  सर्वात आधी शेतकरी हिरामण फरसाळे यांच्या शेतात शिरला आणि एका उंच झाडाच्या शेंड्यावर आश्रय घेतला. ही गोष्ट सर्वत्र पसरली त्यामुळे या परिसरात बघ्यांची गर्दी जमली होती. त्यामुळे वन विभागा्च्या कर्मचाऱ्यांना बिबट्या खाली उतरेपर्यंत वाट पाहावी लागली. मात्र काही तासांनी हा तहानलेला बिबट्या  खाली उतरा आणि जवळच्या तलावावर गेला. तेव्हा जमलेल्या लोकांनी त्याच्याकडे पळत जोरदार दगडफेक केली होती. तर दुसरीकडे वनविभाग या बिबट्याला पकडायला तयारी निशी आले होते. वनविभागाच्या कर्मचाऱ्यांनी त्याला ट्रँम्यूलायझिंग गनच्या साह्याने बेशुद्ध केला आणि पकडले आहे.