Daily Horoscope
✕

रंगपंचमीच्या रंगांनी बाजारपेठ रंगली

Updated: शुक्रवार, 29 मार्च 2024 (09:13 IST)
 
रंगोत्सव साजरा करण्यासाठी लहानांपासून आबालवृद्धांमध्ये उत्साह संचारला आहे. होळीच्या पाचव्या दिवशी शहरात रंगोत्सव अर्थात रंगपंचमी मोठ्या उत्साहात साजरी केली जाते. रंगपंचमीच्या पार्श्वभूमीवर गेल्या आठवड्यापासून रंगांसह विविध वस्तू विक्रीची दुकाने थाटण्यात आली आहेत. यासह विविध प्रकारच्या पिचका-यादेखील बाजारात दाखल झाल्या आहेत. चिमुरड्यांसह तरुणाईची पावले रंग आणि पिचका-यांच्या खरेदीसाठी दुकानांकडे वळू लागली आहे. मोठ्या प्रमाणावर रंगांची विक्री होत असून यंदा केवळ नैसर्गिक रंग विक्रीचा निर्धार केला असल्याची माहिती विक्रीत्यांनी एकमतशी बोलताना दिली. नैसर्गिक रंगांच्या वापराने त्वचेला हानी होत नाही. त्यामुळे विक्रीत्यांकडून केमिकल रंगांऐवजी नैसर्गिक रंगांची विक्री केली जात आहे. रंग आणि पिचका-यांच्या दरात यंदा १० ते १५ टक्क्यांनी वाढ झाली आहे. निरनिराळ्या साहित्य खरेदी-विक्रीतून लाखो रुपयांची उलाढाल होईल असे व्यावसायिकांनी सांगितले. बाजारात १५० ते २५० रुपये किलोपर्यंत रंगांची विक्री केली जात आहे.
 
लहान मुलांना आकर्षित करणारी टँक, एअर गन, बॅग स्टाइल, पाइप, स्मोक स्टील, बासरीच्या आकारातील, कार्टूनच्या अनेक पिचका-या तीस रुपयांपासून ते एक हजार रुपयांपर्यंत विक्रीसाठी उपलब्ध आहेत. लहान मुलांना आकर्षक वाटणा-या या पिचकारी खरेदी करण्याठी मुले पालकांकडे हट्ट करत असून पालक देखील मोठ्या आनंदाने आपल्या मुलांचा हट्ट पुरवीत खरेदी करत आहेत असल्याची माहिती व्यापारी वर्गानी दिली आहे.
 
पिचकारी, मास्क, पाण्याचा फुगा, केसांचा विग, ओपी, नैसर्गिक रंग, गुलाल आदी वस्तूंची मागणी खूप वाढली आहे. यंदा रंगपचमीच्या सणामुळे नागरिकांमध्ये उत्साहाचे वातावरण आहे. शहरातील बाजारात दाखल होणारा हा सर्व रंग व विविध वस्तूचा माल दिल्लीतून मागवला जातो. मागणीच्या तुलनेत पुरवठा खूपच कमी होत असून यंदा नैसर्गिक रंगाला मोठी मागणी असल्याचे व्यापारी काझी शेख यांनी सागीतले आहे.  बाजार रंगांची उधळण करण्यासाठी बाजार कलर टॅक दाखल झाली आहे. अग्निशमन टाकीप्रमाणे दिसणारी कलर टॅक बाजारात सर्वांचे लक्ष वेधून घेत होती. यात विविध कलर भरून ते स्प्रे करता येतात व टॅक रिकामी झाल्यास त्यात रंग भरून पुन्हा वापरात आणता येते. विशेषत: तरुणांकडून टॅकची खरेदी केली जात असल्याची माहिती विक्रीते सागर धाईजे यांनी दिली.
 
Editedb by Ratnadeep Ranshoor

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

दादर रेल्वे स्टेशनचे नाव बदलून चैत्यभूमी ठेवण्याची तयारी सुरू; मुख्यमंत्री फडणवीस यांनी सांगितले....

UPI services closed देशात उद्या बंद राहणार यूपीआय सेवा

LIVE: दादर स्टेशनचे नाव बदलून चैत्यभूमी करण्याची प्रक्रिया आगामी विधानसभा अधिवेशनात पूर्ण होणार

ऍपलच्या अनेक सेवा का बंद पडल्या? या तांत्रिक बिघाडांमागे सायबर हल्ला हे कारण आहे का? कंपनीने काय सांगितले?

न्यूझीलंड मालिकेनंतर अर्शदीप सिंगची आयसीसी एकदिवसीय क्रमवारीत मोठी झेप घेत अव्वल २० मध्ये प्रवेश

पुढील लेख
Show comments