सोलापूर जिल्ह्यात धुमाकूळ घालणारा बिबट्या अखेर ठार

या बिबट्याने सोलापूर जिल्ह्यात तीन नरबळी घेतले होते. करमाळा तालुक्यातील वांगी नं. ४ राखुंडे वस्तीवर पांडुरंग राखुंडे यांच्या केळीच्या बागेत बिबट्या आला होता. 

अकलूज येथील डॉ. धवलसिंह मोहिते-पाटील हे बारामतीचे तावरे यांच्यासमवेत या ऑपरेशनमध्ये सहभागी होते.

वांगी येथे बिबट्याला केळीच्या बागेत वेढल्यावर या बिबट्याने धवलसिंह यांच्यावर हल्ला करण्याचा प्रयत्न केला. मात्र मोहिते-पाटील यांनी १५ फुटावरून नरभक्षक बिबट्यावर बारा बोअरच्या रायफलमधून तीन गोळ्या झाडल्या आणि बिबट्याला ठार केले.