बी.पी जगताप यांना निलंबित करण्याचे अध्यक्षांचे निर्देश

विविध शासकीय पदावर काम करत असताना जगताप यांनी सुप्रीम कोर्टाने रद्द केलेल्या उमेदवारांना वैधता प्रमाणपत्र दिले. आंध्र, कर्नाटक, राज्यातील अनेक लोकांना बनावट कागदपत्रांच्या आधारे जात वैधता प्रमाणपत्र दिले. यातून त्यांनी ५०० कोटीपेक्षा जास्त संपत्ती जमवली असल्याची माहिती अजित पवार यांनी सभागृहाला दिली. या भ्रष्ट अधिकाऱ्याची चौकशी करण्याची व त्याला तात्काळ निलंबित करण्याची मागणी अजित पवार यांनी केली. यावर अध्यक्षांनी बी.पी.जगताप यांना निलंबित करण्याचे निर्देश दिले.