अवनी वाघिणी : चौकशीसाठी समिती गठित

यवतमाळ जिल्ह्यातील पांढरकवडा वनक्षेत्र परिसरात या वाघिणीने 13 जणांचे बळी घेतले होते. याची गंभीर दखल घेत सर्व्वोच्च न्यायालयाने नरभक्षक वाघिणीला जेरबंद करण्यात यावे किंवा ठार मारण्याचे आदेश दिले होते. मात्र वन विभागाने शार्पशूटरकडून चुकीच्या पद्धतीने शिकार करून वाघिणीची हत्या केल्याचा आरोप वन्यप्रेमी संघटनांकडून केला जात आहे. केंद्रीय मंत्री मनेका गांधी यांच्यासह अन्य राजकीय पक्षांच्या नेत्यांनी तर या प्रकरणी वनमंत्री मुनगंटीवार यांना टीकेचे लक्ष्य केले आहे.