महाराष्ट्रात भूकंप; पालघरमध्ये एका तासाच्या आत दोन भूकंपाचे धक्के जाणवले

महाराष्ट्रातील पालघर जिल्ह्यात एका तासाच्या आत दोन भूकंपाचे धक्के जाणवले. दोन्ही भूकंपांचे धक्के ३.४ तीव्रतेचे होते. अधिकाऱ्यांच्या माहितीनुसार, कोणतीही जीवितहानी किंवा मालमत्तेचे नुकसान झाल्याचे वृत्त नाही. जिल्हा माहिती कार्यालयानुसार, पहिला धक्का सोमवारी रात्री १०:०४ वाजता बसला. त्यानंतर सुमारे एका तासाने रात्री ११ वाजता ३.४ तीव्रतेचा दुसरा भूकंप झाला.

एकापाठोपाठ आलेल्या दोन भूकंपांमुळे स्थानिक रहिवाशांमध्ये काहीशी चिंता निर्माण झाली आहे.  स्थानिक प्रशासन आणि आपत्ती व्यवस्थापन पथके परिस्थितीवर लक्ष ठेवून आहेत. अधिकाऱ्यांनी लोकांना घाबरून न जाता, भूकंपाच्या वेळी शांत राहण्याचे आणि सामान्य सुरक्षा उपायांचे पालन करण्याचे आवाहन केले आहे.  

Edited By- Dhanashri Naik