‘देवेंद्र फडणवीसांमधील ‘हा’ एक गुण उद्धव ठाकरेंमध्ये नाही’ – छगन भुजबळ

छगन भुजबळ म्हणाले की, ‘दसरा मेळाव्यात उद्धव ठाकरेंनी बाळासाहेबांसारखी फटकेबाजी केली. त्यात तथ्य आहे. कोणाच्या घरात 5-7 धाडी सुरू आहेत हे कोणालाच आवडत नाही. पण त्यांचं ते कामच आहे. त्यावर मुख्यमंत्री बोलले. पण विरोधी पक्षनेता म्हणून मुख्यमंत्र्यांना उत्तर देणं फडणवीसांना आवश्यकच आहे. त्यामुळं त्यांनी ते दिलं, असं सांगतानाच एक गुण जो फडणवीसांमध्ये  होता तो उद्धव ठाकरेंमध्ये नाहीये. असं भुजबळ यांनी म्हटलं आहे. कारण फडणवीस सरकारच्या काळात कोणत्याही मंत्र्यांवर भ्रष्टाचाराचा आरोप केला की ते ताबोडतोब क्लिन चिट द्यायचे. त्याच्यामुळं 20-20 वेळा मंत्र्यांवर भ्रष्टाचारांचे आरोप झाल्यानंतर लगेच क्लिनचिट. पोलिसांचे जे प्रमुख होते ते आगोदरच क्लिन चिट द्यायचे. मग खालच्या लोकांना पण द्यावेच लागणार. फडणवीसांचा हाच गुण उद्धव ठाकरेंमध्ये  नाही असं ते म्हणाले. पुढे बोलताना भुजबळ  यांनी म्हटलं आहे की, फडणवीस क्लिन चिट मास्टर आहेत, असा टोला लगावत, ते म्हणाले, हा अवगुण आहे असं मी माजी मुख्यमंत्र्यांबद्दल बोलू शकत नाही, असं देखील छगन भुजबळ म्हणाले.