Mangalagaur Songs मंगळागौर गाणी

नाच ग घुमा, कशी मी नाचू ?

ह्या गावचा, त्या गावचा सोनार नाही आला

जोडवी न्हाई मला कशी मी नाचू ?

नाच ग घुमा !

ह्या गावचा, त्या गावचा शिंपी न्हाई आला

चोळी न्हाई मला कशी मी नाचू ?

नाच ग घुमा !

ह्या गावचा, त्या गावचा कासार न्हाई आला

बांगडी न्हाई मला कशी मी नाचू ?

नाच ग घुमा !

फू बाई फू फुगडी चमचम्‌ करतीया बुगडी !

पाट बाई पाट चंदनाचा पाट

पतीदेव बघत्यात माडीवर वाट

बारा घरच्या बायका एक जागी मिळू या

चला झिम्मा खेळू या ग चला झिम्मा खेळू या !

लेक बोलते लाडकी घरी गोकूळ साजणी

वसुदेव देवकीचा कान्हा खेळतो अंगणी

बाळ नवसाचा माझा त्याची दृष्ट काढू या

चला झिम्मा खेळू या ग चला झिम्मा खेळू या !

घुमु दे घागर घुमु दे खेळात जीव ह्यो रमु दे

गडनी घागर फुकतीया, मागं नि म्होरं झुकतीया

नाचून बाई माझी दमू दे, खेळात जीव ह्यो रमू दे

घुमु दे घागर घुमु दे !

आंबा पिकतो रस गळतो

कोकणचा राजा झिम्मा खेळतो.

झिम पोरी झिम कपाळाचा भीम

भीम गेला फुटून पोरी आल्या उठून

सरसर गोविंदा येतो.

मजवरी गुलाल फेकीतो

या या झिम्मा खेळाया

आमच्या वेण्या घालाया.

एक वेणी मोकळी

सोनाराची साखळी.

घडव घढव रे सोनारा.

माणिकमोत्यांचा लोणारा.

लोणाराशी काढ त्या

आम्ही बहिणी लाडक्या.

एक लिंबू झेलू बाई दोन लिंब झेलू

दोन लिंब झेलू बाई तीन लिंब झेलू

तीन लिंब झेलू बाई चार लिंब झेलू

चार लिंब झेलू बाई पाच लिंब झेलू

पाचा लिंबाचा पानोठा

माळ घालू हनुमंता

हनुमंताची निळी घोडी

येता जाता कमळे तोडी

कमळाच्या पाठीमागे लागली राणी

अग अग राणी इथे कुठे पाणी

पाणी नव्हे यमुना जमुना

यमुना जमुनाची बारीक वाळू

तेथे खेळे चिल्लार बाळू

चिल्लार बाळाला भूक लागली

निज रे निजरे चिलार बाळा

मी तर जाते सोनार वाडा

सोनार दादा सोनार दादा

गौरीचे मोती झाले का नाही

गौरीच्या घरी तांब्याच्या चुली

भोजन घातले आवळीखाली

उष्ट्या पत्रावळी चिंचेखाली

पान सुपारी उद्या दुपारी

कीस बाई कीस दोडका कीस

दोडक्याची फोड लागते गोड

आणिक तोड बाई आणिक तोड

कीस बाई कीस दोडका कीस

माझ्यान दोडका किसवना

दादाला बायको शोभना

कीस बाई कीस दोडका कीस

नाच ग घुमा कशी मी नाचू

या गावचा त्या गावचा कसर नाही आला

बांगड्या नाही मला कशी मी नाचू

नाच ग घुमा कशी मी नाचू

या गावचा त्या गावचा सोनार नाही आला

पातल्या नाही मला कशी मी नाचू

नाच ग घुमा कशी मी नाचू

या गावचा त्या गावचा माळी नाही

आला वेणी नाही मला कशी मी नाचू

नाच ग घुमा कशी मी नाचू

या गावचा त्या गावचा शिंपी नाही आला

चोळी नाही मला कशी मी नाचू

नाच ग घुमा कशी मी नाचू

खुंटत मिरची जाशील कैशी

आई बोलवते ह्याबर करिते

बाबा बोलावतात ह्याबर करितात

सासू ओलाविते ह्याबर करिते

सासरा बोलवितो ह्याबर करितो

बाल बोलविते ……… ( सुटून तेव्हा पतीचे नाव घेते)