भारतात 9 लोकांना 100 कोटींपेक्षा अधिक पगार

आयकर विभागाने 2017-18 या आर्थिक वर्षात उपलब्ध झालेल्या आयकर परतावा माहितीचे विश्लेषण केले आहे. या विश्लेषणातून देशात 100 कोटी इतका पगार घेणारे लोक असल्याची माहिती मिळाली आहे. लोकमत न्यूज 18ने ही बातमी प्रसिद्ध केली आहे.

देशातील 9 लोकांना 100 कोटी रुपये इतका पगार मिळतो. तसेच 50 हजार लोकांना वर्षाला 1 कोटी इतका पगार मिळतो. देशातील 2.9 कोटी करदात्यांपैकी 81.5 लाख लोकांचा पगार 5.5 लाख ते 9.5 लाख इतका आहे.

10-15 लाख पगार घेणारे 22 लाखांहून अधिक लोक आहेत. 15 ते 20 लाख पगार असणाऱ्यांची संख्या 7 लाखांहून अधिक आहे. तर 20 ते 25 लाख पगार घेणाऱ्यांची संख्या 3.8 लाख इतकी आहे.

25 ते 50 लाख पगार घेण्याऱ्यांची संख्या 5 लाखांच्या आसपास आहे. तर 50 लाख ते 1 कोटी दरम्यान पगार घेणाऱ्यांची संख्या 1.2 लाख इतकी आहे. एक कोटीपेक्षा जास्त पगार घेणाऱ्यांची संख्या 49 हजार 128 इतकी आहे.