खूप खातो म्हणून 'या' माणसाला रेस्टॉरंटने नाकारला प्रवेश!

chiken curry
Last Modified शुक्रवार, 19 नोव्हेंबर 2021 (20:03 IST)
आपण खूप मोठ्या प्रमाणात खात असल्याने आपल्याला एका ग्रील बफे रेस्टॉरंटने प्रवेश नाकारल्याचं एका चायनीज व्यक्तीने म्हटलंय. ही व्यक्ती खाद्यपदार्थ विषयक लाईव्ह स्ट्रीमिंग करते.
'मि. कांग' या नावाने या सोशल मीडिया इन्फ्लूएन्सरला ओळखलं जातं. चीनमधल्या चांगशा शहरातल्या हांदादी सीफूड बार्बेक्यू बफे (Handadi Seafood BBQ Buffet) रेस्टाँरंटने आपल्याला यायला बंदी घातल्याचं कांग यांनी हुनान टीव्हीशी बोलताना सांगितलं. इथे कांग आधी काहीवेळा येऊन गेलेले होते.
पहिल्या भेटीत त्यांनी या रेस्टॉरंटमध्ये दीड किलो पोर्क खालंल, तर नंतरच्या एका भेटीत त्यांनी 3.5 ते 4 किलो कोळंबी खाल्याचं कांग यांनी सांगितलं.
जास्त खाण्याची क्षमता असणाऱ्या लोकांबाबत हे रेस्टॉरंट भेदभाव करत असल्याचं कांग यांनी सांगितलं.
"मी खूप खाऊ शकतो....यात चूक काय आहे?" असं विचारतानाच सोबतच आपण अन्न अजिबात वाया घालवत नसल्याचं ते सांगतात.
पण कांग आपल्या हॉटेलमध्ये जेवल्याने आपल्याला तोटा होत असल्याचं या रेस्टॉरंटच्या मालकांनी हुनान टीव्हीला सांगितलं.
"दरवेळी ते आले की, माझं काही शे युआनचं नुकसान होतं," त्यांनी सांगितलं.
"अगदी ते सोयामिल्कही 20 ते 30 बाटल्या पितात. पोर्क खायला सुरुवात केली की आख्खा ट्रे संपवतात आणि कोळंबीबद्दल बोलायचं झालं तर सहसा लोकं चिमट्याने प्रॉन्स वाढून घेतात. ते आख्खा ट्रे उचलून टेबलवर नेतात."
फक्त मि. कांगच नाही तर सगळ्याच लाईव्ह स्ट्रीमर्सना आपण रेस्टॉरंटमध्ये यायला मनाई केल्याचं हॉटेलचे मॅनेजर सांगतात.
चीनमधल्या सोशल मीडियावर सध्या ही कहाणी प्रचंड ट्रेंड होतेय. वीबो (Weibo) वर आतापर्यंत 25 कोटीपेक्षा अधिक लोकांनी हा व्हीडिओ बघत त्यांची मतं मांडली आहेत.
काहींच्या मते जर रेस्टॉरंटला परवडणारं नसेल तर मुळात त्यांनी अमर्याद खाण्याची (Unlimited Buffet) ऑफर देऊ नये, तर काहींनी या रेस्टॉरंटच्या मॅनेजरची दया येत असल्याचं म्हटलंय.
चीन सरकारने गेल्यावर्षीपासून खाद्यपदार्थ विषयक व्हिडीओज तयार करणाऱ्या इन्फ्लुएन्सर्सवर कारवाई करायला सुरुवात केलीय. हे असे व्हिडिओज लवकरच चीनमध्ये बॅन होण्याची शक्यता आहे. चीनमध्ये असलेला अन्नपदार्थांचा तुटवडा लक्षात घेत वाया जाणाऱ्या अन्नाचं प्रमाण लोकांनी कमी करावं असं चीनचे राष्ट्राध्यक्ष शी जिनपिंग यांनी म्हटलं होतं.

यावर अधिक वाचा :

नव्या वर्षीच सर्वसामान्यांसाठी लोकल सेवा सुरू होणार

नव्या वर्षीच सर्वसामान्यांसाठी लोकल सेवा सुरू होणार
येत्या ३१ डिसेंबर पर्यंत प्रवाशांना लोकलने प्रवास करता येणार नाही. नव्या वर्षीच ...

सर्व शासकीय रुग्णालयांमधील रुग्णांना मोफत रक्त मिळणार

सर्व शासकीय रुग्णालयांमधील रुग्णांना मोफत रक्त मिळणार
राज्यात शनिवार १२ डिसेंबरपासून सर्व शासकीय रुग्णालयांमधील रुग्णांना मोफत रक्त मिळणार ...

जेजुरीच्या खंडोबा देवाची सोमवती अमावस्या यात्रा रद्द

जेजुरीच्या खंडोबा देवाची सोमवती अमावस्या यात्रा रद्द
कोरोनाचा प्रादुर्भाव टाळण्यासाठी जेजुरीच्या खंडोबा देवाची सोमवती अमावस्या यात्रा रद्द ...

आयएमएकडून आज राष्ट्रव्यापी बंद, रुग्णांची मोठी गैरसोय ...

आयएमएकडून आज  राष्ट्रव्यापी बंद, रुग्णांची मोठी गैरसोय होण्याची शक्यता
केंद्र सरकारने आयुर्वेदाचं शिक्षण घेणाऱ्या विद्यार्थ्यांना अॅलोपॅथिक शस्त्रक्रियांची ...

जुनी पेन्शन योजना लागू होण्यास अडथळा असणारी अधिसूचना रद्द

जुनी पेन्शन योजना लागू होण्यास अडथळा असणारी अधिसूचना रद्द
जुनी पेन्शन योजना लागू होण्यास अडथळा असणारी १०जुलै २०२०ची अधिसूचना रद्द करण्याच्या ...