काश्मीरमध्ये ब्रॉडबँड इंटरनेट सेवा सुरू होणार
काश्मीर खोऱ्यातील काही संस्थांसाठी ब्रॉडबँड सेवा सुरू होणार असल्याची बातमी एनडीटीव्हीने दिली आहे. ही प्रक्रिया टप्प्याटप्प्यांत पार पाडण्यात येणार आहे. त्याची सुरुवात आजपासून होणार आहे. मात्र सोशल मीडियावर अद्यापही प्रतिबंध असल्याचं शासनाने जारी केलेल्या आदेशात म्हटलं आहे.
मध्य काश्मीरपासून याची सुरुवात होणार आहे. त्यात राजधानी श्रीनगर, नंतर उत्तर काश्मीरात (कुपवाडा, बंदिपुरा, बारामुल्ला) सेवा सुरू होईल. दोन दिवसांनी दक्षिण काश्मीरात (पुलवामा, कुलगामा, शोपिआन आणि अनंतनाग) समावेश आहे. सुरुवातीला शासकीय वेबसाईट आणि बँकिंग सेवांचा समावेश आहे.
