testwebdunia1
testwebdunia0
testwebdunia2

सारा अली खानने केली स्वतःचीच थट्टा, लोकांनी केलं कौतुक

sara ali khan
Last Modified शुक्रवार, 6 सप्टेंबर 2019 (13:22 IST)
बॉलिवुड अभिनेत्री सारा अली खानने बुधवारी इन्स्टाग्रामवर स्वतःचा एक फोटो पोस्ट केला. यामध्ये ती तिची आई अमृता सिंग यांच्यासोबत आहे.
हा फोटो पाहिल्यानंतर ही अमृता सिंग आणि सैफ अली खान यांची मुलगी आणि बॉलिवुडमधली अभिनेत्री सारा अली खान आहे यावर विश्वास बसणं कठीण आहे.

कारण या फोटोत दिसणारी सारा, आत्ताच्या सारापेक्षा अगदी वेगळी आहे.
sara ali khan
इन्स्टाग्रामवर हा फोटो शेअर करत सारा अली खानने लिहिलं, "थ्रो बॅक...टू व्हेन आय कुडण्ट बी थ्रोन."
इन्स्टाग्रामवरच्या या पोस्टला आतापर्यंत २० लाखपेक्षा जास्त लोकांनी लाईक केलंय आणि त्यावर २० हजारांपेक्षा जास्त कॉमेंट्स पडलेल्या आहेत.

सगळ्यांत आधी कॉमेंट केली ती बॉलिवुड अभिनेता कार्तिन आर्यनने.

कार्तिकने लिहिलं, "ही मुलगी सारा अलीसारखी दिसतेय."
sara ali khan
कार्तिकसोबतच इतर बॉलिवुड कलाकारांनीही साराच्या या फोटोवर कॉमेंट केली आहे.
श्रद्धा कपूरने लिहिलंय, "किती मस्त प्रवास आहे हा तुझा...सलाम तुला."

साराच्या या बदलासाठीच्या प्रवासाबद्दल आयुषमान खुराणानेही तिला शुभेच्छा दिल्या आहेत.

एकीकडे बहुतेक लोकांनी साराला स्थूलपणा कमी करत फिट झाल्याबद्दल शुभेच्छा दिल्या आहेत. तर काही लोक तिला तिच्या डाएटबद्दल विचारतायत.
sara ali khan
तिने इतकं वजन कसं कमी केलं, ती कोणतं डाएट पाळते आणि इतकी फिट कशी राहते याबद्दल अनेकणांनी विचारणा केली आहे.
सारा अली खानने तिचा पहिला सोलो इंटरव्ह्यू बीबीसी एशियन नेटवर्कला दिला होता. बीबीसीचे प्रतिनिधी हारुन रशीद यांनी तिच्याशी तिचं आयुष्य, आई-वडिलांमधले संबंध आणि सिनेसृष्टीत पदार्पणाच्या निर्णयाबद्दल गप्पा मारल्या होत्या.

या इंटरव्ह्यूमध्ये सारा तिच्या वजनाबद्दलही बोलली होती.

आज मागे वळून पाहिल्यानंतर आपण इतके बदललो यावर विश्वास ठेवणं अनेकदा कठीण जात असल्याचं, बॉलिवुडमधल्या दोन सुपरस्टार्सची मुलगी असणाऱ्या सारा अली खानने बीबीसीशी बोलताना सांगितलं होतं.
सारा म्हणते, "अनेकदा जेव्हा मी स्वतःलाच पाहते, तेव्हा मला मी आकर्षक वाटते."

पण ती लहान असताना शाळा - कॉलेज आणि प्रत्येक ठिकाणीच लोक तिला जाडी म्हणत.

वजन घटवण्याबद्दल ती म्हणते, "मुंबईला आल्यानंतर वजन कमी करण्याचा विचार मी केला नव्हता. चार वर्षं मी कोलंबियामध्ये होते. आणि आपण ऍक्टिंगमध्येच करियर करायचं हे दुसरं वर्ष संपेपर्यंत मी नक्की केलं होतं. त्याआधी माझा वकील होण्याचा किंवा पॉलिटिक्समध्ये करिअर करण्याचा विचार होता. तेव्हा माझं वजन ९६ किलो होतं."
sara ali khan
वजन कमी करण्यासाठी सगळ्यांत आधी आहारावर नियंत्रण आणून डाएटकडे लक्षं द्यायला सुरुवात केली आणि सोबतच वर्कआऊटही केल्याचं सारा सांगते.
केदारनाथ फिल्मद्वारे बॉलिवुडमध्ये पदार्पण करणाऱ्या साराचे दोन सिनेमे रिलीज झाले असून दोन्ही हिट झाले आहेत. तिच्या येऊ घातलेल्या फिल्म्सपैकी एक 'कुली नंबर वन' असून यामध्ये ती वरुण धवन तिच्यासोबत आहे.

यावर अधिक वाचा :

श्री गणेश प्रतिष्ठापना पूजा विधी (मराठीत)

श्री गणेश प्रतिष्ठापना पूजा विधी (मराठीत)
पूजा करणार्‍या व्यक्तीने प्रत्येक क्रियेबरोबर मराठीत दिलेली माहिती वाचून त्याचे अनुकरण ...

श्री गणेश चतुर्थी 2019 : गजाननाला या 10 मंत्रांसह अर्पित ...

श्री गणेश चतुर्थी 2019 : गजाननाला या 10 मंत्रांसह अर्पित करा 21 दूर्वा, ही पूजा विधी आहे खास
गणपतीचे अनेक प्रयोगात त्यांना प्रिय दूर्वा अर्पित करण्याची पूजा सर्वात सोपी आणि लवकर फल ...

ज्योतिष्यात राहू एक रहस्यमय ग्रह, जाणून घ्या राहूचे जीवनात ...

ज्योतिष्यात राहू एक रहस्यमय ग्रह, जाणून घ्या राहूचे जीवनात शुभ-अशुभ प्रभाव
राहू सर्व 9 ग्रहांपैकी एक ग्रह आहे. राहूला ज्योतिष शास्त्रात अशुभ ग्रह मानण्यात आला आहे. ...

सोनं का महागलं? गेल्या 2 महिन्यात 4000 रुपयांनी वाढले दर

सोनं का महागलं? गेल्या 2 महिन्यात 4000 रुपयांनी वाढले दर
सोनं का महागलं? देशांतर्गत आणि आंतरराष्ट्रीय अर्थव्यवस्थेल्या वेगवेगळ्या गोष्टींचा ...

Facebook आणत आहे नवीन अॅप, स्नॅपचँटशी होईल मुकाबला

Facebook आणत आहे नवीन अॅप, स्नॅपचँटशी होईल मुकाबला
जगातील सर्वात मोठी सोशल मीडिया कंपनी Facebook लवकरच एक नवीन मोबाइल अॅप लाँच करणार आहे. ...