Best Pre-Wedding Trip: भारतातील ही ठिकाणे प्री वेडिंग करिता आहे परिपूर्ण
India Tourism : लग्नापूर्वी जोडीदारासोबत तुम्हाला काही सुंदर आठवणी तयार करायच्या असतील, तर तुम्ही भारतातील काही सर्वोत्तम ठिकाणी सहलीची योजना आखू शकता. या ठिकाणी साहसाचा आनंद देखील घेऊ शकता. प्री-वेडिंग शूटिंग आजकाल वाढत्या प्रमाणात लोकप्रिय होत आहे, ज्यामुळे जोडप्यांना सुंदर ठिकाणी एकत्र वेळ घालवता येतो. तसेच लग्न हा प्रत्येकाच्या आयुष्यातील एक महत्त्वाचा दिवस असतो. भावी जोडीदारासोबत वेळ घालवणे एक संस्मरणीय क्षण निर्माण करू शकते. जर तुम्ही प्री-वेडिंग शूटिंगसाठी शांत आणि सुंदर ठिकाण शोधत असाल, तर भारतात अशी अनेक ठिकाणे आहे. चला तर जाणून घेऊ या.
महाराष्ट्र
महाराष्ट्राची सहल ही निसर्गाचा आनंद घेण्याचा एक उत्तम मार्ग आहे. महाबळेश्वर, लोणावळा आणि खंडाळा सारखी हिल स्टेशन्स तुमचा लग्नापूर्वीचा अनुभव आनंददायी बनवू शकतात. येथील सुंदर दृश्ये जोडप्यांसाठी एक आदर्श ठिकाण बनवतात.
अंदमान आणि निकोबार बेटे
भारतातील सर्वात सुंदर ठिकाणांपैकी एक, अंदमान आणि निकोबार बेटे हे तुमच्या जोडीदारासोबत प्रवास करण्यासाठी सर्वोत्तम ठिकाण आहे. जिथे तुम्ही समुद्रातील साहसांचा आनंद घेऊ शकता. स्कूबा डायव्हिंग, स्नॉर्कलिंग आणि पॅरासेलिंग सारख्या अ‍ॅक्टिव्हिटीज येथे उपलब्ध आहे. येथील फोटो देखील अद्भुत आहेत.
मेघालय
भारताचे ईशान्येकडील राज्य मेघालय त्याच्या नैसर्गिक सौंदर्यासाठी ओळखले जाते. ते ढगांचे निवासस्थान म्हणून देखील ओळखले जाते. येथे, तुम्ही पर्वत आणि धबधब्यांवरून ट्रेकिंगचा आनंद घेऊ शकता. गारो आणि खासी टेकड्यांमधून ट्रेक करणे तुमच्या जोडीदारासोबत एक मजेदार अनुभव असेल.
लडाख
जर तुम्ही साहस शोधत असाल, तर लडाख हे एक उत्तम ठिकाण आहे, जिथे उंच पर्वत, तलाव आणि सुंदर दृश्ये आहे. येथील सहल म्हणजे स्वर्ग आहे. खारदुंग ला खिंडीवर बाईक चालवणे किंवा पॅंगोंग तलावाच्या काठावर बसणे हा एक अद्भुत अनुभव आहे. तुमच्या लग्नापूर्वी येथे नक्की भेट द्या.
