संबंधित माहिती
- 350 वर्षं जुन्या बाबुलनाथाच्या पिंडीवर दूध वाहण्यास मनाई, 'भेसळयुक्त दुधामुळे हानी होत असल्याची शंका,' काय आहे प्रकरण?
- 26 वर्षीय तरुणाची 800 वर्षांची गर्लफ्रेंड, बॅगेत घेऊन फिरत होता
- Spa Therapy स्पा थेरपी काय आहे आणि त्याचे फायदे जाणून घ्या
- Gharapuri Island: घारापुरी बेट प्राचीन बारा ज्योर्तिलिंग
- Career in PHD Ancient History: पीएचडी अंशिएंट हिस्ट्री मध्ये करिअर बनवा, पात्रता, अभ्यासक्रम, व्याप्ती जाणून घ्या
Shankaracharya Temple काश्मीरचे शंकराचार्य मंदिर
काश्मीरमधील शंकराचार्य मंदिर हे अतिशय प्राचीन असून ख्रिस्त पूर्व 200 साली बांधल्याचे आढळून येते. प्राचीन काश्मिरी पद्धतीच्या या मंदिराच्या बांधकामातून त्या वेळेच्या सिंहारा पद्धतीने बांधलेले छत दिसते. येथील घुमटे घोडय़ाच्या नालेच्या आकारात बांधलेले असून शिल्पकलेचे उत्कृष्ट उदाहरण आहे. हे मंदिर सर्वप्रथम सम्राट अशोकाचे पुत्र झळुका यांनी बांधले.
मंदिराची पुनर्बाधणी गोप आदित्य यांनी केली. गोप आदित्य यांनी 253 ते 328 पर्यंत यावर येथे राज्य केले. असे म्हणतात की हिंदूंचे महान गुरू श्री शंकराचार्य दक्षिण भारतातून काश्मीरमध्ये हिंदू धर्माच्या पुनरुत्थानासाठी आले होते. ते या टेकडीच्या शिखरावर काहीकाळ राहिले. म्हणून या टेकडीला शंकराचार्य टेकडी असेही म्हणतात. हे मंदिर एका रुंद दगडावर उभे असून या मंदिराला अष्टकोनी आकाराचा 13 पदरी पाया आहे. तसेच याच आकाराचे मंदिराच्या इमारतीवर छत असून त्या छतावर 3.5 फूट उंचीच्या भितींचे बांधकाम केले आहे. मंदिराच्या मध्यभागी हौद असून त्यात लिंग आहे. संपूर्ण बांधकाम दगडाचे असून त्यामध्ये कुठेही सिमेंटचा वापर केलेला दिसत नाही. हे मोठे आश्चर्यच म्हणायला हवे. कुठल्या मिश्रणाद्वारे दगड एकमेकांना जोडले याचे कुतूहल आजही वाटते.
