अंकिता लोखंडेला एअर होस्टेस व्हायचं होतं, अशी बनली अभिनेत्री

अंकिता लोखंडेने टीव्हीपासून बॉलिवूडपर्यंत आपली वेगळी ओळख निर्माण केली आहे. अंकिता 19 डिसेंबरला तिचा वाढदिवस साजरा करत आहे. अभिनेत्रीचा जन्म 1984 मध्ये इंदूरमधील एका मराठी कुटुंबात झाला. अंकिताचे खरे नाव तनुजा लोखंडे आहे.

इंदूरमधूनच शिक्षण पूर्ण केलेल्या अर्चनाला अभिनयाच्या जगात येण्यात कधीच रस नव्हता. अंकिताच्या घरच्यांनाही तिने अभिनेत्री व्हावे असे वाटत नव्हते. अशात जेव्हा अंकिताने छोट्या पडद्यापासून आपल्या करिअरची सुरुवात केली तेव्हा घरच्यांनीही तिला साथ दिली नाही.

अंकिता लोखंडे फ्रँकफिन अॅकॅडमीत एअर होस्टेस होण्यासाठी रुजू झाली होती, पण दरम्यानच्या काळात इंदूरमध्ये झी सिनेस्टारचा शोध सुरू झाला आणि अंकिताची निवड झाली. यानंतर 2005 मध्ये अंकिता मुंबईला शिफ्ट झाली. अंकिताने मुंबईत येऊन मॉडेलिंगच्या दुनियेत प्रवेश केला. यानंतर तिला 'बाली उम्र को सलाम' या शोमधून डेब्यू करण्याची संधी मिळाली. जरी हा शो कधीच प्रसारित झाला नाही.

यानंतर अंकिता लोखंडेला एकता कपूरच्या 'पवित्र रिश्ता' मध्ये काम करण्याची संधी मिळाली. या शोमध्ये तिची अर्चना ही व्यक्तिरेखा चांगलीच गाजली आणि अंकिता घराघरात प्रसिद्ध झाली. यानंतर ती 'झलक दिखला जा 4' मध्ये दिसली.

अंकिता लोखंडेने 2019 मध्ये कंगना राणौतच्या 'मणिकर्णिका' चित्रपटातून बॉलिवूडमध्ये पदार्पण केले. टायगर श्रॉफच्या 'बागी 3' या चित्रपटातही ती दिसली आहे.