अमित शहांविरोधात काँग्रेसची निवडणूक आयोगाकडे तक्रार

Chhatisgarh Election News छत्तीसगडमध्ये भाजप आणि काँग्रेसमधील राजकीय संघर्ष तीव्र झाला आहे. सत्ता वाचवण्यासाठी काँग्रेसची धडपड सुरू असताना भाजपही सत्तेत येण्यासाठी सर्वतोपरी प्रयत्न करत आहे. दरम्यान, काँग्रेसने केंद्रीय गृहमंत्री अमित शहा आणि आसामचे मुख्यमंत्री हिमंता बिस्वा सरमा यांच्याविरोधात निवडणूक आयोगाकडे तक्रार केली आहे.

छत्तीसगडच्या निवडणूक रॅलीत भाजपचे माजी अध्यक्ष अमित शहा यांनी केलेले भाषण आचारसंहितेचे उल्लंघन असल्याचे काँग्रेसने निवडणूक आयोगाकडे केलेल्या तक्रारीत म्हटले आहे.

पक्षाने निवडणूक आयोगाला सांगितले की, 16 ऑक्टोबर रोजी छत्तीसगडच्या राजनांदगाव येथील भाषणात गृहमंत्र्यांनी सांगितले होते की, 'भूपेश बघेल यांच्या सरकारने छत्तीसगडचा मुलगा भुनेश्वर साहू याला तुष्टीकरणाचे राजकारण आणि व्होट बँकेच्या राजकारणासाठी लिंचिंग केले.'

तसेच आसामचे मुख्यमंत्री हिमंता बिस्वा सरमा यांनी 18 ऑक्टोबर रोजी दिलेल्या वक्तव्याबाबत छत्तीसगडमध्येही तक्रार दाखल करण्यात आली आहे.

काँग्रेस नेत्यांच्या शिष्टमंडळाने बुधवारी मुख्य निवडणूक आयुक्त आणि इतर निवडणूक आयुक्तांची भेट घेऊन त्यांना निवेदन सादर केले.

निवडणूक आचारसंहितेचे उल्लंघन केल्याच्या आरोपांवर आसामचे मुख्यमंत्री हिमंता बिस्वा सरमा म्हणाले की, काँग्रेस माझ्यावर आरोप करत आहे. मी मांडलेला मुद्दा योग्य होता. मला निवडणूक आयोगाकडून नोटीस आली तर मी त्यालाही उत्तर देईन.