कोरोनाच्या तिसऱ्या लाटेची भीती,पंतप्रधानांची आज आढावा बैठक
कोरोनाच्या तिसऱ्या लाटेच्या भीतीने पंतप्रधान नरेंद्र मोदी यांनी मंगळवारी दुपारी 3.30 वाजता एक महत्त्वाची बैठक बोलावली आहे.
कोरोनाच्या तिसऱ्या लाटेच्या भीतीने पंतप्रधान नरेंद्र मोदी यांनी मंगळवारी दुपारी 3.30 वाजता एक महत्त्वाची बैठक बोलावली आहे.या बैठकीत कोरोनाच्या सद्यस्थितीसह तिसऱ्या लाटेला सामोरे जाण्याबाबत चर्चा होईल.सूत्रांनी दिलेल्या माहितीनुसार,आरोग्य मंत्रालय,कॅबिनेट सचिव आणि नीति आयोगही या बैठकीला उपस्थित राहतील.
गृह मंत्रालयाच्या राष्ट्रीय आपत्ती व्यवस्थापन समितीने तिसऱ्या लाटेची शक्यता व्यक्त केली आहे.समितीने आपला अहवाल पंतप्रधान कार्यालयाला पाठवला आहे.यानुसार, कोरोनाची तिसरी लाट ऑक्टोबरमध्ये शिखरावर असेल. यासह,समितीने पंतप्रधान कार्यालयाला मुलांसाठी आणि तरुणांसाठी वैद्यकीय सुविधांची व्यवस्था करण्याचा सल्ला दिला आहे.तज्ज्ञांच्या समितीचा असा विश्वास आहे की तिसरी लाट मुले आणि तरुणांसाठी मोठा धोका बनू शकते. अहवालानुसार, देशातील मुलांसाठी वैद्यकीय सुविधा,व्हेंटिलेटर,डॉक्टर,वैद्यकीय कर्मचारी,रुग्णवाहिका, ऑक्सिजनची पुरेशी व्यवस्था करावी लागेल.कारण, मोठ्या संख्येने मुले आणि तरुणांना कोरोनाची लागण होईल.
गृह मंत्रालयाने हा अहवाल त्या वेळी जारी केला आहे जेव्हा मुलांसाठी लसीकरण देखील सुरू होणार आहे. अहवालात असे म्हटले आहे की मुलांमध्ये लसीकरण प्राधान्य तत्त्वावर करावे लागेल.यासह,समितीने या आधारावर पुन्हा कोविड वॉर्ड तयार करण्याचा सल्ला दिला आहे,जेणेकरून मुलांच्या नातेवाईकांनाही त्यांच्यासोबत राहण्याची परवानगी मिळेल.
