अखिल विश्व गायत्री परिवाराकडून १०० देशामध्ये यज्ञाचे आयोजन

गायत्री कुटुंबातील सदस्य दीनानाथ सिंह यांनी सांगितले की, ३१ मे रोजी सकाळी नऊ ते सायंकाळी ५ या दरम्यान जगभरातील गायत्री कुटुंबातील कोट्यावधी लोक एकत्रितपणे हा यज्ञ करणार आहेत. दरम्यान, जागातील साथीच्या आजारांना सामोरे जाण्यासाठी ते त्यांच्या घरी २४ वेळा गायत्री मंत्र, पाच वेळा सूर्य गायत्री मंत्र आणि पाच वेळा महामृत्युंजय मंत्राचे पठण करतील. तसेच १ जून रोजी ‘गायत्री माँ’चा प्रकट दिन असल्यामुळे या यज्ञाचे एक दिवस आयोजन करण्यात आले आहे. विशेष म्हणजे या कार्यक्रमात शहरातील किमान ५५१ कुटुंबे सहभागी होणार आहेत.

हवन कसे करायचे? त्याकरता कोणता श्लोक बोलायचा? कोणत्या साहित्याचे वापर करायचे याबाबत ऑनलाईन प्रशिक्षण दिले जाणार आहे. तसेच याकरता एक अॅप देखील तयार केले जात आहे.